Meso Me Mua Alfabetin Zanor

Ky është një libër që flet. Po si? Po të shtypni një buton, do të dëgjoni një shkronjë dhe një fjalë që fillon me shkronjën që dëgjuat. Çdo shkronjë e alfabetit të shqipes është e shoqëruar me një buton dhe me një figurë për ilustrim. Në krah të çdo figure janë shkronjat e mëdha e të vogla të shtypit që mund t’i përvijoni me gisht për t’i mësuar më mirë. Në krye gjendet një buton i madh. Po ta shtypni, do të dëgjoni alfabetin e plotë. Të gjitha këto mënyra ju ndihmojnë të mësoni shkronjat dhe të lexoni e të shqiptoni si duhet fjalët e para, duke e kthyer mësimin në një lojë argëtuese.